Сі́рыус (лац. Sirius), таксама Альфа Вялікага Сабакі (лац. Alpha Canis Majoris) – найярчэйшая зорка начного неба. Бачная зорная велічыня -1,46. Сірыус аддалены ад Сонца на 8,60±0,04 св. гадоў і з'яўляецца адной з бліжэйшых да нас зорак. Нябесныя каардынаты: прамое ўзыходжанне 6 гадз. 45 хв. 9 сек., схіленне -16°42'58''. Назва паходзіць з грэцкай мовы і азначае "бліскучы" альбо "пякучы". Скарына (3283 Skorina, 1979 QA10) – астэроід № 3283. Належыць да Галоўнага пояса астэроідаў Сонечнай сістэмы. Дыяметр – 12,65 км. Сярэдняя аддаленасць астэроіда ад Сонца складае 2,396 астранамічнай адзінкі (~ 360 млн. км.). Перыяд поўнага абарачэння вакол Сонца – 3,71 зямнога года. Адкрыты астраномам Мікалаем Іванавічам Чарных у Крымскай астрафізічнай абсерваторыі 27 жніўня 1979 г. Названы ў гонар беларускага першадрукара Францыска Скарыны.